Radiotelevisión del Principado de Asturias | Radiotelevisión del Principau d'Asturies

Información Corporativa

Convocatoria "Asturies crea cultura" / "Asturies crea sinerxes"

Convocatoria estraordinaria d’encargos de producción pa la promoción de la llingua asturiana y el gallego-asturianu y d’estímulu al sector cultural asturianu "Asturies crea cultura" / "Asturies crea sinerxes"

La situación especial d’emerxencia sanitaria derivada de la Covid-19 aconseya l’adopción pola Conseyería de Cultura, Política Llingüística y Turismu del Principáu d’Asturies y la Radiotelevisión del Principáu d’Asturies de midíes especiales de sofitu al sector cultural asturianu, implementando una convocatoria especial y específica pa facer posible y promover les producciones de trabayos audiovisuales vinculaos a la realidá cultural y social asturiana n’añu 2020.

La Conseyería de Cultura, Política Llingüística y Turismu del Principáu d’Asturies, cola mira de remediar na midida de lo posible los efectos negativos que n’ámbitu de la creación cultural na nuestra comunidá autónoma tuvo la emerxencia sanitaria derivada de la Covid-19, alcordó entamar, xunto a la Radiotelevisión del Principáu d’Asturies (RTPA), una convocatoria d’encargos de producción que valgan pa la promoción de la llingua asturiana y, de manera perespecial, d’estímulu al nuestru sector cultural.
Anque ye posible la recepción de proyectos y propuestes al traviés del Rexistru de Programes y el Rexistru d’Emisiones de RTPA, que de toles maneres atópense activos, realízase esta convocatoria pa promover y dar difusión a esta midida especial de sofitu dirixida a costafecha a la producción d’obres audiovisuales que valgan d’estímulu y amuesen la realidá de la cultura asturiana n’ámbitu de les artes escéniques, la lliteratura, la música, les artes plástiques, el cine, l’audiovisual y cualquier otra disciplina artística.

En resumen, esta convocatoria busca impulsar un marcu d’actuación cultural basáu en dos aspectos esenciales:

  1. La promoción de la llingua y la puesta en valor de la cultura asturiana al traviés del desenvolvimientu d’obres audiovisuales qu’amuesen la realidá de la mesma.
  2. Impulsar, al tiempu, el sector audiovisual como parte de la industria cultural asturiana y estimular la creación de sinerxes ente productores y creadores.

A esta convocatoria van destinase un total de cientu trenta y tres mil ochocientos euros (133.800 €), correspondientes a una tresferencia corriente adicional de la Conseyería de Cultura, Política Llingüística y Turismu a RTPA de xunetu del 2020, que se fixo de manera puntual y de resultes de la situación de crisis sanitaria xenerada pola Covid-19.

Ye oxetu d’esta convocatoria pal añu 2020 en réxime de concurrencia competitiva con respetu a los principios de publicidá, concurrencia llibre y oxetividá, el procedimientu pa la escoyeta de proyectos que va financiar RTPA na modalidá d’Encargos de Producción.

Convocatoria estraordinaria d’encargos de producción pa la promoción de la llingua asturiana y el gallego-asturianu y d’estímulu al sector cultural asturianu

Ver en castellano

Hasta’l 15 de setiembre de 2020 a las 23:59 / Hasta el 15 de septiembre de 2020 a las 23:59

Plazu de rexistru / Plazo de registro

Hasta’l 15 de setiembre de 2020 a las 23:59 / Hasta el 15 de septiembre de 2020 a las 23:59

Forta. Federación de organismos de radio y televisión autonómicos
CIRCOM
Atei. Asociación de las Televisiones Educativas y Culturales Iberoamericanas
IBE.TV  es un Programa de Cooperación  creado  durante la  II Cumbre de Jefes de Estado y de Gobierno (Madrid, España, 23 y 24 de julio de 1992 )